Ds Waudfescht 2024

Es isch verbi, aber d Erinnerige u es paar Biuder blibe.

Vor em Waudfescht gits schon vei e chli z tüe!

So, jetz si mer parat u d Lüt chöi cho.

D Säubstbedienig mit de Bons het letscht Jahr ganz guet funktioniert, auso wird’s hüür sicher o guet ga.

Hei mer ächt a aus dänkt?

Der Roland isch parat u het sini Musig im Griff.

D Lüt wüsse no vom letste Jahr, wines mit de Bon geit.

O d Chuchimannschaft - 

pardon, d Frou- u d Mannschaft -

isch i de Startlöcher.

Zum Glück mues me nid lang astah, jetz hani nämlech Hunger.

Mir fröie üs über di vile Gest.

D Tische si vou u d Gest gueter Lune.

Wenn fange si ächt ändlech mit em Zwirbele a?

Aha, es si no nid aui Lösli verchouft!

So, jetz isch d Schlange churz, mir wei öppis z ässe.

Uf das Gotlett fröie mi scho es ganzes Jahr.

Ke Angst, es het no Würst.

Jetz cha me eifach nume no gniesse -

u natürlech vo früecher verzeue.

Ändlech geits los mit em Glücksrad.

Hani ächt o öppis gwunne?

D Musig isch ganz guet, nid z lut u o nid z lislig.

Ig hät jetz o nüt gäge nes Tänzli.

Di Chüeche u Turte gluste mi scho, so feini gits süsch niene. Aber das si de Kaloriebombe.

Mit em Wätter hei si de würklech Glück!

Isch das Fest ächt ging no so beliebt wi früecher?

Eh wie isch das schön, grad wie früecher – weisch no denn …

Chli absits cha me besser mitenang prichte.

Wenn doch nume aui so guet chönnte zuelose!

Gits no offeni Wünsch?

Nei, üsi Barkeeper hei se aui erfüut!

Es isch verbi u jetz geits a ds Ufrume. Hoffentlech bringe mer aus troche ine.

Ornig mues si, süsch hei mer nächsts Jahr es Gnusch.

So, jetz hei mers wider es Mau gschafft.

Mir si müed u glücklech über das glungene Fest.

U i bi d Sorge wäg em Wätter los – es hät chum besser chönne si!

Mir danke aune Häufer ganz härzlech u hoffe, das es de zauriche Gest gfaue het bi üs.

Im ne Jahr si mer de hoffentlech wider gnue fit, um es nöis Waudfescht la z stige! Mir fröie üs, wenn der üs tröi blibet u wider chömet.